Abdulvoxidov Abdulxodi Abdulaziz o‘g‘li
Safdor 1994 yil 27 iyunda Namangan viloyatining To‘raqo‘rg‘on tumanida tug‘ilgan.
A. Abdulvohidov 2015 yilda Farg‘ona harbiy-texnik litseyini tugatib, O‘zbekiston Qurolli Kuchlar safiga xizmatga kirgan. Milliy gvardiya Namangan viloyati qo‘riqlash xizmati Norin tumani obyektlarini qo‘riqlash bo‘yicha 4-alohida otryad guruhining safdor xodimi lavozimida xizmat qilgan.
2020 yil 10 fevral kuni Namangan viloyati Uychi tumanida xizmat o‘tash vaqtida qo‘riqlov ostiga olingan hududdan oqib o‘tuvchi Norin daryosida cho‘kayotgan ayolni ko‘rib qolib, tezkorlik bilan uni hayotini saqlab qolgan, afsuski, kuchli suv oqimi natijasida o‘zi halok bo‘lgan.
O‘zbekiston Respublikasi Mustaqilligining 29 yilligi arafasida xizmat burchini ado etish vaqtida halok bo‘lgan Abdulxodi Abdulvoxidov vafotidan keyin O‘zbekiston Respublikasi Prezidentining Farmoni bilan “Jasorat” medali bilan taqdirlandi.
Shuningdek, O‘zbekiston Respublikasi Milliy Gvardiyasi qo‘mondonligi Abdulxodi Abdulvoxidov ning o‘zi o‘qigan Namangan viloyati To‘raqorg‘on tumanidagi 3-sonli umumtaʼlim maktab hududida barelfini o‘rnatish rejalashtirilgan.
Xotira – abadiy, jasorat – mangu…
Milliy gvardiya xodimi safdor Abdulvoxidov Abdulxodining ko‘rsatgan qahramonligi safdoshlari hamda barcha yaqinlari va do‘stlarining (minnatdor) xotirasida abadiy qoladi.
