Абдулвохидов Абдулходи Абдулазиз ўғли
Сафдор 1994 йил 27 июнда Наманган вилоятининг Тўрақўрғон туманида туғилган.
А.Абдулвоҳидов 2015 йилда Фарғона ҳарбий-техник лицейини тугатиб, Ўзбекистон Қуролли Кучлар сафига хизматга кирган. Миллий гвардия Наманган вилояти қўриқлаш хизмати Норин тумани объектларини қўриқлаш бўйича 4-алоҳида отряд гуруҳининг сафдор ходими лавозимида хизмат қилган.
2020 йил 10 февраль куни Наманган вилояти Уйчи туманида хизмат ўташ вақтида қўриқлов остига олинган ҳудуддан оқиб ўтувчи Норин дарёсида чўкаётган аёлни кўриб қолиб, тезкорлик билан уни ҳаётини сақлаб қолган, афсуски, кучли сув оқими натижасида ўзи ҳалок бўлган.
Ўзбекистон Республикаси Мустақиллигининг 29 йиллиги арафасида хизмат бурчини адо этиш вақтида ҳалок бўлган Абдулходи Абдулвохидов вафотидан кейин Ўзбекистон Республикаси Президентининг Фармони билан "Жасорат" медали билан тақдирланди.
Шунингдек, Ўзбекистон Республикаси Миллий Гвардияси қўмондонлиги Абдулходи Абдулвохидов нинг ўзи ўқиган Наманган вилояти Тўрақорғон туманидаги 3-сонли умумтаълим мактаб ҳудудида барельфини ўрнатиш режалаштирилган.
Хотира – абадий, жасорат – мангу…
Миллий гвардия ходими сафдор Абдулвохидов Абдулходининг кўрсатган қаҳрамонлиги сафдошлари ҳамда барча яқинлари ва дўстларининг (миннатдор) хотирасида абадий қолади.
