«Ўзбекистон – 2030» стратегиясини «Атроф-муҳитни асраш ва «яшил иқтисодиёт» йилида амалга оширишга оид давлат дастурида белгиланган устивор вазифалар ижроси юзасидан Миллий гвардия маънавият ва маърифат марказида «Мамлакатда экологик хавфсизликни барқарорлаштириш тенденциялари» (Экомувозанатни мустаҳкамлашда истиқболли ёндашувлар) мавзусида Республика илмий-амалий конференция бўлиб ўтди.
Видео-конференц-алоқа тарзида ўтказилган тадбирда Ўзбекистон Республикаси Миллий гвардияси қўмондонлиги, Ўзбекистон экологик партияси раҳбари А.Хамзаев, Ўзбекистон Республикаси Бош прокурорининг ўринбосари адлия катта маслаҳатчиси Ш.Тухтабоев, Экология, атроф-муҳитни муҳофаза қилиш ва иқлим ўзгариши вазирининг ўринбосари Ж.Казбековлар ва ҳудудлардан мингга яқин соҳага оид мутахассислар иштирок этди.
Конференциянинг асосий йўналишлари табиатни муҳофаза қилиш ва табиий ресурслардан оқилона фойдаланиш соҳасидаги қонунчилик талаблари бузилишининг олдини олиш, уни аниқлаш ва унга чек куйиш учун таъсирчан чораларни кўллашни янада такомиллаштириш; экологик хавфсизликни мустаҳкамлаш ва экологик вазиятни яхшилаш бўйича етакчи хорижий давлатларнинг илғор тажрибаларидан келиб чиқиб таклиф ва тавсиялар ишлаб чиқиш; экологик хавфсизликни таъминлаш юзасидан амалдаги норматив-ҳуқуқий ҳужжатларга ўзгартириш ва қўшимчалар киритиш мақсадида илмий асосланган таклифларни тайёрлашга қаратилди.
Савол-жавобларга бой тарзда ўтган тадбир якунида, меҳмонлар ташаккурнома ва эсдалик совғалари билан тақдирланди.
Шундан сўнг, вазирлик ва идоралар раҳбарлари иштирокида марказ ҳудудига дарахт кўчатлари экилди.
