23 апрель Ўзбекистон Функционал кўпкураш федерацияси ташкил топган кун
Функционал кўп кураш федерациясининг азиз устоз ва мураббийлари, фидойи ходимлари, спортчилари ва ишчи хизматчилари!
Функционал кўпкураш федерацияси раҳбарияти Сизларни Функционал кўпкураш федерациясининг ташкил топган куни муносабати билан муборакбод этади.
2021 йил 23 апрель куни Миллий гвардия қўмондонининг ташаббуси билан Республикамизда Функционал кўп кураш спорт тури бўйича илк бор Федерация ташкил этилди.
Ўтган қисқа давр мобайнида мактаб ўқувчилари, уюшмаган ёшлар, меҳрибонлик уйлари тарбияланувчилари, имконияти чекланганлар, ўсмирлар ва катталар ўртасида ушбу спорт турини ривожлантириш мақсадида 20 га яқин спорт секциялари фаолияти йўлга қўйилди, ҳарбий хизматчи ва ходимлар билан 50 дан ортиқ семинар ўқув машғулоти ўтказилди, профессионал, ҳаваскорлар ва уюшмаган ёшлар ўртасида 150 га яқин мусобақа ташкил этилди. Шунингдек, Республикамиз спортчилари Функционал кўп кураш спорт тури бўйича Халқаро мусобақаларда иштирок этдилар.
Федерация фаолиятини такомиллаштириш мақсадида бошқа спорт ташкилотлари билан ҳамкорлик йўлга қўйилиб, “Tribe”, “BukaGYM”, “Savage”, “Akhmat CrossFight Arena” каби бир қатор йирик спорт ташкилотлари билан ҳамда Джиу-джитсу Федерациялари ўртасида ҳамкорлик меморандумлари имзоланди.
Муқаддас Ватанимизда ёш авлод қалбига жаҳон ареналарида ватанимиз байроғини юксакларга кўтаришдек олий мақсад ва Ватан манфаатлари учун курашишдек олижаноб ғояларни сингдиришдаги шарафли бурчингизда омад ҳамда зафарлар тилаймиз!
Байрамингиз муборак бўлсин!
