Байрам арафасида "Темир дафтар" ва "Аёллар дафтари"га киритилган ҳамда ҳалок бўлган ҳарбий хизматчиларнинг оила аъзолари ҳолидан хабар олинди
Юртимизда ёшариш – янгиланиш фасли баҳор фасли байрамлар билан бошланади. Баҳорнинг илк кунлари 8 март халқаро Хотин-қизлар куни юртимизда кенг нишонланади ва ушбу кунда барча аёллар, хотин-қизлар эъзозланиб, уларга бағишлаб шеърлар ифодали ўқилади ва миннатдорчиликлар билдирилади.
Миллий гвардия ҳарбий хизматчи ва ходимлари томонидан Олмазор туманида истиқомат қилувчи "Темир дафтар" ва "Аёллар дафтари"га киритилган, боқувчисини йўқотган, ёлғиз кексалар, ногиронлиги бўлган, кўмакка муҳтож хотин-қизлар ва уларнинг фарзандлари холидан хабар олиш ҳамда байрам билан табриклаш мақсадида хонадонларига ташриф буюрилди. Ташриф чоғида уларга озиқ-овқат маҳсулотлари етказиб бериш билан бир қаторда, дилдан суҳбат қурилиб уларни қийнаётган масалалар тингланди.
Бундан ташқари, соҳа вакиллари ўзлари билан бир сафда хизмат қилиб, ватан олдидаги муқаддас бурчини адо этиш вақтида ҳалок бўлган ходимлар хонадонига ташриф буюриб, турмуш ўртоқлари ва қиз фарзандларини байрам билан самимий муборакбод этишди.
