БЕШ МУҲИМ ТАШАББУС ОРҚАЛИ ЁШ ИСТЕЪДОДЛАРНИ КАШФ ЭТАМИЗ
Маълумки бугунги кунда ёшларга эътиборни кучайтириш, уларни маданият, санъат, жисмоний тарбия ва спортга кенг жалб этиш, уларга ахборот технологияларидан фойдаланиш кўникмаларини сингдириш, ёшлар ўртасида китобхонликни тарғиб қилиш, хотин-қизлар бандлигини ошириш масалаларига алоҳида эътибор қаратилиб, бу борада давлат ва жамоат ташкилотлари билан бир қаторда ҳуқуқни муҳофаза қилувчи органлар ҳам фаол иштирок этмоқда.
Хусусан, жорий йилнинг 29 июнь куни Миллий гвардия Бухоро вилояти бўйича бошқармаси томонидан Ромитан туманида ташкил этилган "Беш муҳим ташаббус орқали ёш истеъдодларни кашф этамиз" номли тадбирда ҳам интилувчан, спортга, санъатга ва билим олишга қизиқувчан ёшлар кашф этилиб, ўқувчилар ўртасида Ватанни мадҳ этувчи шеърлар, атоқли шоирларимизнинг табиат, ота-она, китоб ва келажак ёшлари ҳақидаги шеърлари тингланди. Фаол қатнашган ёшлар Миллий гвардиянинг фахрий ёрлиғи ва эсдалик совғалари билан тақдирланди.
Сўзимиз сўнгида шуни таъкидлаймизки, ёшларимизнинг катта марраларга эришишлари учун кенг имкониятлар яратиш ва ҳар томонлама кўмак бериш барчамиз учун энг устувор вазифадир. Ёшларни замонавий билим ва тажриба, миллий ва умумбашарий қадриятлар асосида мустақил ва мантиқий фикрлайдиган, эзгу фазилатлар эгаси бўлган инсонлар этиб вояга етказайлик. Катта авлоднинг билими ва тажрибасини, узоқни кўра олиш фазилатларини ёшларимиздаги ғайрат-шижоат, мардлик, фидойилик билан бирлаштира олсак, кўзлаган марраларга албатта етамиз.
