БЕШ УСТУВОР ТАШАББУС — КОМИЛ ИНСОН КАФОЛАТИ
Ёшлар эртанги кунимизнинг эгалари ҳисобланадилар. Уларга қанчалик эътибор қаратсак, келажагимиз шунчалик ёрқин бўлади, десак адашмаймиз. Бугунги кунда мамлакатимизда ёшларга оид давлат сиёсати изчил амалга оширилиб, бутун ишончимиз ва асосий суянчимиз бўлган ёшлар тақдири ва келажаги доимий давлатимиз эътиборидадир.
Хусусан, Ўзбекистон Республикаси Президентининг ёшларга эътиборни кучайтириш, уларни маданият, санъат, жисмоний тарбия ва спортга кенг жалб этиш, уларга ахборот технологияларидан фойдаланиш кўникмаларини сингдириш, ёшлар ўртасида китобхонликни тарғиб қилиш, хотин-қизлар бандлигини ошириш масалалари бўйича белгиланган 5 та устувор ташаббус халқимиз, айниқса, ёшларимиз томонидан катта қизиқиш билан кутиб олинди.
Ана шу ташаббус ижросини таъминлаш мақсадида Сирдарё вилояти бўйича Миллий гвардия бошқармаси томонидан Гулистон шаҳар 11-умумтаълим мактаби ҳамда Ахборот ва информатика технологияларига ихтисослашган мактаб интернати ўқувчи ёшлари ўртасида, уларни жисмоний чиниқтириш, спорт соҳасида қобилиятини намоён қилишлари учун зарур шароитлар яратишга йўналтирилган спорт тадбири ташкил этилди.
Спортнинг бир неча турлари бўйича мусобақалар ташкил этилиб ғолиб бўлган жамоаларга диплом ҳамда эсдалик совғалари топширилди.
Шунингдек тадбир давомида ўқувчи ёшлар ўртасида психолог ҳарбий хизматчилар томонидан турли ҳил психологик тренинглар ташкил этилди.
