БИЛИМЛАР СИНОВДАН ЎТКАЗИЛДИ
Шу кунларда Ўзбекистон Республикаси Миллий гвардияси “Темурбеклар мактаби” ҳарбий-академик лицейида якуний давлат имтиҳонлари ўтказилмоқда.
Ушбу имтиҳонларга Ўзбекистон Республикаси Жамоат хавфсизлиги университетидан малакали мутахассислар жалб қилинган бўлиб, унда битирувчилар чет тили, ижтимоий-гуманитар ҳамда махсус фанлар бўйича синовлардан ўтмоқда.
Шуни алоҳида таъкидлаш лозимки, ўқувчиларнинг ўқув йили давомида фанларни ўзлаштириш кўрсаткичлари, тайёргарлик даражаси юқори эканлиги, уларнинг аниқ ва мустақил фикрларида ҳамда саволларга чуқур билим асосида берилган жавобларида ўз ифодасини топмоқда.
Ҳарбий-академик лицейи битирувчиларига келгусида мазкур йўналиш бўйича олий таълим даргоҳларида ўқишни давом эттириб, юртимизга садоқат билан хизмат қиладиган муносиб ўғлонлар бўлиб етишишларида муваффақиятлар тилаймиз.