Гвардиячиларнинг экстремал шароитларга тайёргарлиги ва руҳий барқарорлигини мустаҳкамлаш мақсадида Фарғона вилоятида ўқув машғулоти ташкил этилди.
Тадбир давомида гвардиячилар махсус тайёрланган психологик йўлакдан ўтказилди. Ушбу синов жараёнлари шахсий таркибнинг ахлоқий-руҳий ҳолатини аниқлаш, уларнинг жанговар вазиятларда тўғри қарор қабул қилиш қобилиятини мустаҳкамлаш, шунингдек, оғир шароитларда ва кутилмаган ҳолатларда юзага келадиган руҳий босимларни енгиб ўтиш мақсадида ташкил этилди.
Мазкур тадбир шахсий таркибнинг жанговар шайлигини мустаҳкамлаш, уларнинг ахлоқий ва руҳий барқарорлигини таъминлашда муҳим омил бўлиб хизмат қилади. Зеро, ҳарбий хизмат нафақат жисмоний, балки кучли иродавий ва руҳий тайёргарликни ҳам талаб этади.