БОЛАЖОНЛАР ҚАЛБИДАН ЖОЙ ОЛГАН СПЕКТАКЛЬ НАМОЙИШИ
1 – июнь Халқаро болаларни ҳимоя қилиш куни муносабати билан Миллий гвардия Қашқадарё вилояти бўйича бошқармаси ҳарбий хизматчилари вилоят қўғирчоқ театри билан ҳамкорликда Қамаши туманида жойлашган 4-сонли меҳрибонлик уйига ташриф буюришди.
Тарбияланувчи болажонларнинг мароқли дам олишлари учун ҳарбий хизматчилар томонидан бадиий чиқишлар, театр ходимлари томонидан эса “Этик кийган мушук” спектакли намойиш этилиб, болажонларга яхши кайфият улашилди.
Шунингдек, тадбир сўнгида болалар учун байрам дастурхони ёзилди.
Бу каби ўтказилаётган тадбирлар шубҳасиз мамлакатимизда ҳеч ким меҳр ва эътибордан четда эмаслигидан далолат беради.
