БОЛАЛАР УЧУН БАЙРАМ ТАДБИРИ
1 – июнь Халқаро болаларни ҳимоя қилиш куни муносабати билан Республикамизнинг барча ҳудудлари каби Наманган вилоятида ҳам байрамона тадбирлар бўлиб ўтмоқда.
Наманган шаҳри “Афсоналар водийси” масканида болалар учун турли хил спорт мусобақалари ва кўнгилочар тадбирлар ташкил этилди.
Шунингдек, тадбир доирасида болалар Миллий гвардия Наманган вилояти бўйича бошқармаси ҳарбий хизматчилари томонидан қурол-аслаҳа намойишини ўзгача ҳайрат ва ҳаяжон билан томоша қилдилар.
Байрам кайфияти сабаб болажонларнинг беғубор кулгулари, гулгун чеҳраларидаги қувончи, кўзларидаги чарақлаб турган бахтиёрлик нурлари, тадбир ташкилотчилари кўнглида ҳам кўтаринкилик пайдо қилди.
