БУЮК СОҲИБҚИРОН АВЛОДЛАРИ
Миллий гвардия Хоразм вилояти бўйича бошқармаси ва умумтаълим мактабларида Соҳибқирон Амир Темур таваллудининг 685 йиллиги кенг нишонланди.
Хусусан, ҳарбий қисм муддатли ҳарбий хизматчилари ўртасида "Амир Темур ворислари" ҳарбий-спорт мусобақаси ўтказилди. Мусобақада ёш аскарлар спортнинг тош кўтариш, арқон тортиш ва узоқ масофага югуриш турлари бўйича ўзаро куч синашдилар. Ғолиб ва иштирокчилар диплом ва медаллар билан тақдирланди. Шунингдек ёш аскарлар билан Аз-Замахшарий номли вилоят кутубхонасида "Темур бобом менинг фахрим" мавзусида викторина ва китобхонлик тадбирлари ўтказилди.
Бундан ташқари Миллий гвардия Хоразм вилояти бўйича бошқармасига бириктирилган умумтаълим мактабларининг ҳарбий ватанпарварлик йўналишига ихтисослашган синф ўқувчилари ўртасида Амир Темурнинг ҳаёти ва ижоди ҳамда ҳарбий санъатига бағишланган "Амир Темур издошлари", "Темур тузуклари билимдони" маънавий-маърифий тадбирлари ҳамда "Амир Темур ворислари" ҳарбий-спорт мусобақалари ўтказилди. Ўқувчилар Амир Темур ҳаётига оид саҳна кўринишларини намойиш қилишди. Тадбир якунлари бўйича иштирокчилар эсдалик совғалари ва диплом билан тақдирланди. Ўтказилган тадбирлар ёшлар онгида ижобий таассурот қолдирди.
