Мазкур йўналишдаги мавжуд муамммолар ва уларнинг ечими юзасидан ҳамкорликда белгилаб олинган истиқболли режалар ҳамда дастлабки амалга оширилиши зарур бўлган чора-тадбирлар, Мактабгача ва мактаб таълими вазири Х.Умарова ҳамда Миллий гвардия қўмондони Р.Джураевлар томонидан назоратга олиниб, шаҳар, туман ва вилоятларлар кесимидаги таҳлилий ишлар олиб борилмоқда.

Андижон шаҳридаги 14-умумий ўрта таълим мактабида бўлиб ўтган    Мактабгача ва мактаб таълими вазири, Миллий гвардия қўмондони ҳамда вилоятнинг соҳага оид мутасадди раҳбарлари иштирокидаги навбатдаги учрашувда ҳам Давлатимиз раҳбари томонидан белгилаб берилган мактабдаги таълим-тарбия йўналишидаги устувор вазифаларнинг амалий ижроси муҳокама қилинди.

Хусусан, мактабдаги инспектор-психологларнинг янги тизимдаги иш фаолияти, ота-оналар ва маҳалла фаолларининг “Мактаб – ота-она – маҳалла” тамойили асосида, фарзандларининг таълим-тарбиясига бўлган масъулиятини оширишга қаратилган ҳамкорлик масалалари  ўрганилди.

 Шунингдек, “Хавфсиз таълим” концепцияси доирасида мактабларда хавфсиз муҳитни яратишга қаратилган ишлар бўйича вилоят Қўриқлаш хизмати бошлиғининг маълумоти тингланди. Унда ўқитувчи ва ўқувчиларга нисбатан жисмоний хавф-хатарларни олдини олишда ва тезкорлик билан бартараф қилиш мақсадида шаҳар-туман марказларидаги таълим муассасаларида ўрнатилган “ташвиш” тугмалари ва видеокузатув мосламаларининг афзаллик хусусиятлари ҳақида сўз юритилди.

Ҳозирда эса мактабларнинг қўриқловини  янгича тизимда такомиллаштириш борасида амалга оширилаётган ишлар билан таништирилиб, ушбу йўналишда мутасадди раҳбарлар томонидан билдирилган фикр-мулоҳазалар инобатга олинган ҳолда соҳага оид масъулларга тегишлилиги бўйича топшириқлар берилди.