Давлатимиз раҳбарининг топшириғига биноан Миллий гвардия қўмондони генерал-майор Р.Джураев бошчилигидаги идоралараро ишчи гуруҳ жорий йилнинг 6 февраль кунидан бошлаб ўз фаолиятини Хоразм вилоятида бошлади.
Мазкур ишчи гуруҳ томонидан вилоят аҳолисининг муаммоларини ўрганишга ва ечимини топишга, шунингдек криминоген вазият барқарорлигини таъминлашга алоҳида эътибор қаратилган.
Жорий йилнинг 6 февраль кунидан бошлаб Миллий гвардия қўмондони генерал-майор Р.Джураев бошчилигида, ҳамкор вазирликлар мутасадди раҳбарлари ва вилоят сектор бошлиқлари ҳамда бошқа масъул идоралар масъулларидан иборат ишчи гуруҳ Хоразм вилоятида ўз ишини бошлади.
Тадбирдан кўзланган мақсад вилоят ижтимоий инфратузилма объектларининг созлиги, аҳолини газ, электр энергияси, кўмир ва ичимлик суви билан таъминланганлиги, истеъмол бозорларидаги нарх-наво барқарорлиги, ҳудуддаги маҳаллаларда сектор раҳбарлари, маҳалла раислари, маҳалладаги ҳоким ёрдамчилари, ёшлар етакчилари ва хотин-қизлар фаолларининг фуқароларнинг муаммоларини ўрганиш амалиётини ўрганиш ҳамда уларни бартараф этишга кўмаклашишдан иборат.
Шунингдек, ишчи гуруҳ томонидан маҳаллаларда хавфсиз муҳитни яратиш, ҳуқуқбузарликларни олдини олиш ва жиноятчиликни маҳаллабай жиловлаш дастурларининг ижроси борасида маҳаллада шакллантирилган ҳамкорлик масалаларига жиддий эътибор қаратилади.
Идоралараро ишчи гуруҳнинг фаолияти тўғрисидаги маълумотларни Миллий гвардия расмий сайтларида ва ОАВ да мунтазам ёритиб борилади.
