ЁШЛАР БАНДЛИГИ ЙЎЛИДА
Бугунги кунда юртимизда давлат ташкилотлари ва аҳоли ўртасида бевосита мулоқот ўрнатилган бўлиб, ўзаро ҳамжиҳатлик билан аҳолининг турмуш даражасини яхшилаш борасида кўплаб чора-тадбирлар амалга оширилмоқда.
Хусусан, Бухоро вилоятида Миллий гвардия бошқармаси ҳарбий хизматчилари меҳнат ярмаркаларини ташкил этиш билан чекланиб қолмай, ҳамкор вазирликлар билан бирга меҳнатга лаёқатли, аммо ишсиз бўлган ёшларни мавжуд иш ўринларига жалб этмоқдалар.
Куни кеча Миллий гвардия Бухоро вилояти бўйича бошқармаси, ДХХ Ромитан тумани бўлими ҳамда туман Агробанк бўлими ходимлари ҳамкорлигида Ромитан тумани "Ҳазортут" МФЙ ҳудудида истиқомат қилувчи 4 нафар ёшларга имтиёзли кредит асосида тикув машиналари олиб берилиб, иш ўрганиш ва келгусида мустақил равишда иш юритишлари учун ушбу ҳудудда фаолият олиб бораётган тикув цехига бириктирилдилар. Ҳозирда ҳамкор ташкилотлар билан бирга яна бир қанча ёшларнинг бандлигини таъминлаш чоралари кўрилмоқда.
