“ҚЎМОНДОН ЎРИНБОСАРИНИНГ ТИЗИМДАГИ ЁШЛАР БИЛАН” УЧРАШУВИ
“Ёшлар форуми-2024” доирасида Миллий гвардия Маънавият ва маърифат марказида “Қўмондон ўринбосарининг тизимдаги ёшлар билан” учрашуви бўлиб ўтди. Унда Миллий гвардияси қўмондони ўринбосари полковник С.Мамаюсупов тадбирда иштирок этаётган муддатли ҳарбий хизматчилар, Жамоат хавфсизлиги университети курсантлари, Ҳарбий мусиқали академик лицейи, «Темурбеклар» ҳарбий-академик лицейи ва Миллий гвардияга бириктирилган “Ёш гвардиячилар” синфи ўқувчиларига бугунда Миллий гвардия тизимида ёшлар учун яратилган шароитлар ва имкониятлар ҳақида сўзлаб берди. шунингдек тадбирда Ёшлар ишлар агентлиги директорининг ўринбосари А.Мўминов ҳам иштирок этиб, бугунда мамлакатимизда ҳукуматимиз томонидан ёшларга берилаётган имкониятлар ҳақида маълумотлар берди. Уларнинг қобилиятларини рўёбга чиқариш борасида олиб борилаётган ишлар хусусида тўхталиб ўтди. Энг оммалашиб бораётган сунъий интеллект тўғрисида ҳам гапириб, ёшларни информацион технологияларни мукаммал эгаллашга чорлади.
Бундан ташқари тадбирда меҳмон бўлган Ўзбекистон кино арбоблари ижодий уюшмаси аъзоси, киноактриса, “Келажак бунёдкори” медали соҳибаси, Айсанем Юсупова ҳам ёшлар билан суҳбатлашиб, ўзининг эришган ютуқлари билан бўлишди. Миллий гвардия ҳарбий хизматчиси бокс бўйича Осиё ва Жаҳон чемпиони ва Токио олимпиадаси иштирокчиси, “Келажак бунёдкори” медали соҳибаси, Райҳона Қодированинг спортдаги босиб ўтган йўли тўғрисидаги сўзлари ҳам ёшларда катта таассурот қолдирди.
Тадбир кўргазмали ва мусиқали чиқишлар билан янада бой ўтди.
