ЭЗГУ ИШГА ҚЎЛ УРАЁГАН ОЛИЙЖАНОБ ЮРТДОШЛАРИМИЗ САЙ-ҲАРАКАТЛАРИ ТУФАЙЛИ ХОРАЗМ ВИЛОЯТИ ВА ҚОРАҚОЛПОҒИСТОН РЕСПУБЛИКАСИДА МЕҲРИБОНЛИК УЙЛАРИ ЭШИКЛАРИ ЁПИЛДИ
Юртбошимиз ташаббуси билан жорий қилинган янги тизим, бағрикенг ҳалқимизга янада шижоат бахш этди. Олийжаноб халқимиз томонидан қўл урилаётган эзгу ишлар самарасида, ўз оиласига эга бўлаётган Меҳрибонлик уйи тарбияланувчилари қалби қувончга тўлмоқда.
Хусусан, Бухоро вилоятида Миллий гвардия ҳарбий хизматчиси М.Раҳматуллаев “Болалар уйи”дан беш нафар тарбияланувчиларни ўз қарамоғига олган бўлса, Қорақолпоғистон Республикаси Хўжайли туман ИИБ профилактика инспетори А.Атамуродов ўз оиласига 5 нафар Меҳрибонлик уйи тарбияланувчиларини қабул қилди.
Шунингдек, Сирдарё вилояти Гулистон шаҳрида истиқомат қилувчи Ахмедовлар оиласи ҳам меҳрга ташна қалб эгаларига меҳр-мурувват кўрсатиш мақсадида "Болалар шаҳарчаси"дан 6 нафар ўғил-қизни ўз бағрига олишди. Қашқадарё ва Фарғона вилоятида бўлса, бир вақтнинг ўзида 21 нафар тарбияланувчилар ўз оиласига эга бўлишди.
Шуни алоҳида таъкидлаш жоизки, болажон ҳалқимизнинг эзгулик йўлидаги сай-ҳарактлари натижасида Хоразм вилояти ва Қорақолпоғистон Республикасидаги Меҳрибонлик уйлари эшиклари буткул ёпилди.
Эслатиб ўтамиз, шу кунгача Навоий, Фарғона ва Наманган вилоятларидаги Меҳрибонлик уйлари, ўз фаолиятларини якунлаган эди.
