Фарғона вилоятида Миллий гвардияга бириктирилган 6-сонли умумтаълим мактабининг 11-синф ўқувчилари билан "Ҳарбий қисмда-бир кун" шиори остида маънавий-маърифий тадбирлар ташкиллаштирилди
Миллий гвардия Фарғона вилояти бўйича бошқармасига бириктирилган 6-сонли мактабнинг "Ҳарбий Ватанпарварликка ихтисослаштирилган" битирувчи 11 синф ўқувчилари иштирокида "Ҳарбий қисмда-бир кун" ватанпарварлик тадбири ташкиллаштирилди. Тадбир давомида ўқувчи ёшлар билан бошқарма бошлиғи полковник Ш.Акбаровнинг учрашуви ташкиллаштирилиб унда “Ватанни севиш ва уни ҳимоя қилиш”, “Буюк аждодларимизга хос мардлик, садоқат ва жасорат фазилатлари”, шунингдек уларнинг ўчмас тарихи тўғрисидаги мавзуларда очиқ мулоқотдаги қизғин давра суҳбати бўлиб ўтди.
Шундан сўнг ёш ўқувчиларга ҳарбий хизматчилар томонидан қўл жанги, тоғ-баландлик тайёргарлиги, ва ҳарбий қисм кинология бўлими томонидан кўргазмали чиқишлар намойиш этилиб, мавжуд қурол-аслаҳалар ва уларнинг тузилиши яқиндан таништирилди.
Тушлик вақтида ўқувчи ёшлар ҳарбий қисм ошхонасида ҳарбий акалари билан биргаликда овқатланиб, ўз баҳоларини бердилар.
Тадбир сўнгида, ўқувчи ёшларга "Менимча" телелойиҳасининг 2024-йил 13 январь кунидаги навбатдаги сони намойиши бўлиб ўтди. Кўрсатув намойиши ўқувчилар ва ҳарбий хизматчилар томонидан катта қизиқиш билан кузатилди ва ушбу лойиҳадан ўзларини қизиқтирган саволларга жавоб олдилар.
