Хивада “Қўриқлаш” бўлими ҳамда ИИБ “Turist Polis” ходимлари томонидан ташқи видеокузатув камерасига зарар етказганликда гумонланган шахслар қўлга олинди.
Жорий йилнинг 5 майдан 6 майга ўтар кечаси соат тахминан 03:00 ларда “Қишлоқ қурилиш банк” АТБнинг 24 соат мобайнида ишлайдиган банкоматлари турар жойга ўрнатилган ташқи видеокузатув камералари ёрдамида ҳудудда шубҳали шахслар мақсадсиз юрганлиги аниқланган.
Воқеа жойига зудлик билан етиб борган Миллий гвардия ва Ички ишлар органлари ходимлари спиртли ичимлик таъсирида бўлган, муқаддам судланган 32 ёшли И.У. ва 34 ёшли И.Н.ларни қўлга олган. Тезкор тадбир давомида бинолар кўздан кечирилганда, видеокузатув камераларидан бири шикастлангани маълум бўлган.
Ҳуқуқбузарлар туман Наркология диспансерида текширувдан ўтказилиб, терговга қадар суриштирув олиб бориш учун ИИБга топширилди.
