ХОТИН-ҚИЗЛАРНИНГ ҲУҚУҚ ВА МАНФААТЛАРИ — ОЛИЙ ҚАДРИЯТ
Кейинги йилларда Ўзбекистонда барча соҳаларда амалга оширилаётган янги босқичдаги туб ислоҳотлардан пировард мақсад, энг аввало, инсон ҳуқуқ манфаатларини тўлиқ рўёбга чиқаришдан иборатдир. Бу ўринда хотин-қизларнинг ҳуқуқ ва эркинликларини ҳимоя қилиш масаласига ҳам алоҳида аҳамият қаратиб келинмоқда. Ўз навбатида, хотин-қизларнинг давлат ва жамият ҳаётидаги иштирокини кучайтириш, сиёсий, иқтисодий ва ижтимоий ҳаётнинг барча босқичларида иштирок этиши ҳамда қарор қабул қилишда етакчилик қилиши учун тенг имкониятларни таъминлаш мақсадида Сирдарё вилояти бўйича Миллий гвардия бошқармаси аёл ҳарбий хизматчилари томонидан Гулистон шаҳрида жойлашган "Болалар шаҳарчаси" меҳрибонлик уйига ташриф буюриб ўсмир ёшдаги қизлар иштирокида тадбир ташкил этилди. Тадбир давомида жамиятда аёлларга нисбатан тазйиқ ва зўравонликдан ўзини қандай ҳимоя қилиш, мақсад сари дадил қадам ташлаш борасида психологик тренинг, ҳамда шу билан бирга улар орасида спортга қизигадиган, келгусида ушбу соҳада юқори натижаларни эгаллашга интиладиган ёшлар учун спорт тўгараги ташкил этилди.
