ҲУҚУҚБУЗАРЛИКЛАРГА ЧЕК ҚЎЙИЛДИ
Сирдарё вилояти бўйича Миллий гвардия бошқармаси ҳамда Экология ва атроф-муҳитни муҳофаза қилиш бошқармаси билан ҳамкорликда Сайхунобод ҳамда Сирдарё туманларида навбатдаги тезкор назорат рейд тадбирлари ўтказилди. Тадбир давомида 2 нафар фуқаронинг ов қилиш ҳужжатларида тегишли ҳудуд белгиламаганлиги аниқланди. Мазкур фуқароларга нисбатан Ўзбекистон Республикаси МЖтКнинг 90-моддаси 1-қисми билан маъмурий баённома расмийлаштирилди.
Шунингдек, яна бир ҳолатда электр қармоқ ёрдамида ноқонуний равишда балиқ овлаётган фуқароларга нисбатан Ўзбекистон Республикаси МЖтКнинг 90-моддаси 4-қисми билан маъмурий баённомалар расмийлаштирилишди ҳамда ов қуроллари далилий ашё сифатида олиб қўйилди.
