ҲУҚУҚНИ МУҲОФАЗА ҚИЛУВЧИ ОРГАНЛАР ХОДИМЛАРИ ЯШИЛ МАЙДОНДА
Ҳарбий хизматчи ва ходимларнинг жанговар шайлиги, жисмоний қобилиятини ошириш ҳамда улар ўртасида соғлом муҳитни шакллантириш мақсадида кўплаб спорт тадбирлари доимий равишда ўтказиб келинади.
Хусусан, жорий йилнинг 20-23 апрель кунлари Фарғона вилоятида ҳуқуқни муҳофаза қилувчи органлари ўртасида спортнинг футбол тури бўйича “Динамо биринчилиги” мусобақалари ўтказилди. 4 кун давом этган ушбу мусобақа 9 та жамоа ўзаро баҳс олиб боришди.
Қизғин ва муросасиз кечган мазкур мусобақанинг якуний натижаларига кўра фахрли 3 ўринни Фарғона вилояти Қўриқлаш бошқармаси жамоаси қўлга киритган бўлса, 2 ўрин Давлат хавфсизлик хизмати бошқармаси жамоасига насиб қилди. Шоҳсупанинг энг юқори поғонасини Ички ишлар бошқармаси жамоаси эгаллади.
Мусобақа сўнгида ғолиб ва совриндорларга ташкилотчилар томонидан кубок, диплом ва қимматбаҳо совғалар топширилди.
