Ишчи гуруҳ аъзоларининг навбатдаги манзили Наманган вилоятларидаги умумтаълим мактаблари бўлди
Наманган вилоятида 710 та умумтаълим мактаблари фаолият юритади. Қўмондон ўринбосари полковник С.Д.Мамаюсупов Поп туманида жойлашган 69-сонли мактабга борди. Шунингдек, давомат ўрганилганида умумий кўрсатгич 99% эканлиги аниқланди. Мактабга ўрнатилиб, “ташвиш” тугмаси босилганида 7 дақиқада Қўриқлаш бўлими “тезкор харакатланувчи гуруҳ” етиб бориши, мактабда қўл жанги ҳамда спортнинг бошқа турларини кўпайтириш ҳақида тавсиялар берилди.
Шунингдек, Қўмондон ўринбосари томонидан вилоятнинг Поп туманида жойлашган 67-сонли мактаб ўрганилганида “Ватанпарварлик бурчаги” ташкил этиб, ушбу мактабни битириб кетган, шартнома асосида ҳарбий хизматни ўтаётган ҳарбийлар расмларини қўйиш, мактаб қоровулларига ПР-73 ва металлодетектордан фойдаланишни тушунтириш, шунингдек, инспектор психологлар томонидан “бозор боласи” тадбирларини ўтказиш бўйича топшириқлар берилди. Бундан ташқари Чуст туманидаги 9-сонли мактабда битирувчи синф ўқувчилари билан давра суҳбати ўтказилиб, уларга “Темурбеклар мактаби” ҳамда Олий ҳарбий билим юртларига ўқишга кириш, мунтазам равишда спорт билан шуғулланиб бориш тўғрисида маълумотлар айтиб ўтилди. Наманган вилояти Тўрақўрғон туманида жойлашган 1-сонли мактабда “мактаб-ота-она-маҳалла” занжирини йўлга қўйиш, ҳамкорликда иш ташкил этиш бўйича тизимли ишлар амалга оширилиши таъкидланди.
