ЯНГИ ЎЗБЕКИСТОН — МАКТАБ ОСТОНАСИДАН, ТАЪЛИМ-ТАРБИЯ ТИЗИМИДАН БОШЛАНАДИ!
Жисмоний тарбия ва спорт – халқ маданиятининг ажралмас қисмидир. Мамлакатнинг ҳар бир фуқаросини жисмоний ва ахлоқий мукаммаллашишини таъминлаш мақсадида аҳолининг, айниқса ёш авлоднинг жисмоний тарбия ва оммавий спорт билан мунтазам шуғулланиши учун республикамиз бўйлаб Миллий гвардия бўлинмалари томонидан зарур шарт-шароитлар яратишга амалий ёрдам кўрсатилмоқда.
Хусусан, бу каби ишлар спорт мусобақалари орқали ёшларда ўз иродаси, кучи ва имкониятларига бўлган ишончни мустаҳкамлаш, мардлик ва ватанпарварлик, она Ватанга садоқат туйғуларини камол топтириш, шунингдек, ёшлар орасидан иқтидорли спортчиларни саралаб олиш ишларини тизимли ташкиллаштириш ҳамда жисмоний тарбия ва оммавий спортни янада ривожлантириш мақсадида Миллий гвардия Сирдарё вилояти бўйича бошқармаси, Сирдарё вилояти “Динамо” жисмоний тарбия ва спорт жамияти ҳамда Ўзбекистон ёшлар иттифоқининг вилоят Кенгаши билан ҳамкорликда амалга оширилмоқда.
Куни кеча Боёвут тумани 13 мактабда ўқувчи ёшлар ўртасида арқон тортиш, тош кўтариш, баскетбол каби қизиқарли спорт ўйинлари мусобақалар ташкил этилганлиги ҳамда Сардоба туманидаги 5 ва16-сонли умумтаълим мактабларида "Янги Ўзбекистон – мактаб остонасидан, таълим-тарбия тизимидан бошланади!" шиори остида ўтказилган ватанпарварлик ойлиги доирасидаги тадбирлар шулар жумласидандир.
