КИТОБ ИНСОН КАМОЛОТИДА БЕНАЗИР МАЪНАВИЙ ҚАНОТ
Айни кунларда Республикамиз бўйлаб ёш авлоднинг маънавий-интеллектуал салоҳияти, онгу тафаккури ва дунёқарашини юксалтириш, она Ватани ва халқига муҳаббат ва садоқат ҳисси билан яшайдиган баркамол шахсни тарбиялашда беқиёс аҳамиятга эга бўлган китобхонлик маданиятини ошириш юзасидан бир қатор комплекс чора-тадбирлар ўтказилмоқда.
Хусусан, Миллий гвардия Қашқадарё вилояти бўйича бошқармасида шартнома асосидаги ҳамда муддатли ҳарбий хизматчилар билан китобхонлик куни ўтказилди. Унда китоб мутолааси ва китобхонлик маданиятини юксалтириш ҳуқуқий билимини мустаҳкамлаш мақсадида ўтказилган тадбирда бадиий, ҳуқуқий ва оммабоп адабиётлар сотувга қўйилди.
Шу билан бирга Миллий гвардия Қашқадарё вилояти бўйича бошқармаси ташаббуси билан китоб ярмаркалари мунтазам ўтказиб келинмоқда.
Хусусан, навбатдаги китоб ярмаркасида ўзбек ва жаҳон адабиётининг сара асарлари намойиш этилди. Шунингдек, юридик соҳага оид қўлланмалар ҳам харидоргир китоблар қаторидан ўрин олди.
