Жорий йилнинг 19-24 декабрь кунлари Тошкент шаҳрида Универсал жанг спорт тури бўйича ўсмирлар ва катталар ўртасида Ўзбекистон кубоги мусобақалари ўтказилди. Мазкур мусоба 3 йўналишда: пичоқ улоқтириш, лайт (кураш) ва классик (жанг олиб бориш) йўналишларида ўтказилди.
"Ўзбекистон кубоги" мусобақаларида республикамизнинг барча вилоятларидан 500 дан ортиқ спортчилар ҳамда ҳуқуқни муҳофаза қилувчи идораларнинг ҳарбий хизматчи ва ходимлари иштирок этди.
Мусобақанинг пичоқ улоқтириш йўналишда Миллий гвардиядан жами 16 нафар спортчилар, яъни аёллар терма жамоаси 3, 5, 7 метр масофада ва эркаклар терма жамоаси 5, 7, 9 метр масофаларда бўлиб ўтган баҳсларда иштирок этди.
Лайт (кураш) ва классик (жанг олиб бориш) йўналишларда Миллий гвардиядан жами 53 нафар спортчилар иштирок этди. Жумладан, аёллар 48, 52, 57, 63, 70, 78, +78 кг. вазн тоифаларида, эркаклар ўртасида эса 55, 60, 65, 70, 75, 80, 85, 90, 95, +95 кг вазн тоифаларида қизғин беллашувлар бўлиб ўтди.
Мусобақа якунида пичоқ улоқтириш йўналиши бўйича ғолиб ва совриндорлар аниқланди.
1-ўрин – Миллий гвардия терма жамоаси (6та олтин, 6та кумуш
ва 3та бронза медаллари билан);
2-ўрин – Давлат хавфсизлик терма жамоаси;
3-ўрин – Мудофаа вазирлиги терма жамоаси;
4-ўрин – Президент давлат хавфсизлик хизмати терма жамоаси.

Лайт ва классик йўналишлари бўйича ҳам 1-ўринга  Миллий гвардия терма жамоаси (12та олтин, 2та кумуш
ва 10та бронза медаллар) сазовор бўлди.
2-ўрин – Ички ишлар вазирлиги Қоровул қўшинлари терма жамоаси (6та олтин, 10та кумуш ва 7та бронза медаллар);
3-ўрин – Фавқулодда вазиятлар вазирлиги терма жамоаси
(7та кумуш ва 3та бронза медаллар);
4-ўрин – Президент давлат хавфсизлик хизмати терма жамоаси
(2та олтин, 1та кумуш ва 6та бронза медаллар).

Ғолиб ва совриндор спортчилар медаль ва дипломлар билан, терма жамоалар эса кубоклар билан тақдирланди.