“Конституция билимдонлари” беллашуви ўтказилди
Фарғона минтақавий Ўқув Марказида “Ҳуқуқий фанлар” цикли томонидан “Конституция-юрт тараққиёти ва халқ фаровонлигининг кафолати” шиори остида “Конституция билимдонлари” Миллий гвардия Қўриқлаш бош бошқармаси сафдорлар таркибини бошланғич тайёрлаш, Миллий гвардия ҳарбий патруллик йўналиши бўйича тингловчилар ҳамда Миллий гвардия қўриқлаш бош бошқармаси қўриқлаш (ҳарбийлаштирилган, қоровуллик) бўлинмалари ишчи ва хизматчиларини бошланғич тайёрлаш бўйича тингловчилар ўртасида савол-жавоб кўрик танлови бўлиб ўтди. Унда Миллий гвардия Қўриқлаш бош бошқармаси сафдорлар таркибини бошланғич тайёрлаш тингловчилардан ташкил топган «Ҳуқуқшунослар», Ўзбекистон Республикаси Миллий гвардия ҳарбий патруллик йўналиши бўйича тингловчиларидан ташкил топган «Қалқон», Миллий гвардия қўриқлаш бош бошқармаси қўриқлаш (ҳарбийлаштирилган, қоровуллик) бўлинмалари ишчи ва хизматчиларини бошланғич тайёрлаш бўйича тингловчилар «Тараққиёт» жамоалари 4 та шарт бўйича ўзаро беллашдилар. Беллашув якунига кўра Миллий гвардия Қўриқлаш бош бошқармаси сафдорлар таркибини бошланғич тайёрлаш тингловчилардан ташкил топган «Ҳуқуқшунослар» жамоаси ғолиб деб топилди. Кўрик танловда фаол қатнашган тингловчиларга эсдалик совғалари ва Марказнинг фахрий ёрликлари топширилди.
