МАҚСАДЛИ УЧРАШУВЛАР САМАРАСИ
Мамлакатимизда хотин-қизларнинг ижтимоий-сиёсий ва социал фаоллигини ошириш, уларнинг турли соҳа ва тармоқларда ўз қобилият ва имкониятларини рўёбга чиқариш, шунингдек оила институтини мустаҳкамлаш борасида кенг кўламли ишлар йўлга қўйилмоқда.
Миллий гвардия таркибий ва ҳудудий бўлинмаларида фаолияти йўлга қўйилган Хотин-қизлар кенгашлари томонидан аҳоли ўртасида бу каби мақсадли ишларни ташкил этиш, оилаларда маънавий-ахлоқий муҳитни мустаҳкамлаш ва соғломлаштиришнинг самарали механизмларини яратишга қаратилган чора-тадбирлар амалга ошириб келинмоқда.
Хусусан, Қашқадарё вилояти Миллий гвардия бошқармаси Хотин-қизлар кенгаши аъзолари ёшларни оилавий ҳаётга тайёрлаш, уларни ҳуқуқий билимларини ошириш, иқтидори ва қобилиятини ҳисобга олган ҳолда касбга йўналтириш мақсадида Қамаши туманида жойлашган Меҳрибонлик уйи тарбияланувчилари билан учрашдилар. Ушбу тадбирда тарбияланувчи қизларнинг бўш вақтларидан унумли фойдаланиб, турли тўгаракларда иштирок этишлари юзасидан давра суҳбати ўтказилди.
Тарбияланувчи қизларнинг ҳар бири билан якка тартибда ўтказилган суҳбат давомида улар ўзларини қизиқтирган саволларга тўлиқ жавоб олиб, келгуси режаларига аниқ мақсад билан ёндашишга хулоса чиқардилар.
