Соғлиқни сақлаш вазирлиги, Миллий гвардия ҳамда "Enter Engineering" компанияси ҳамкорлигида Республика ихтисослаштирилган Гематология илмий-амалий тиббиёт марказида малакали шифокорлар муолажаларидан шифо топаётган болалар учун хайрия тадбири уюштирилди.
Миллий гвардия ҳарбий оркестри ижросидаги куй-қўшиқлар ва фахрий қоровул бўлинмасининг саф чиқишлари болалар ва уларнинг ота-оналарига хуш кайфият бағишлади. Тақдим этилган совға-саломлардан болажонларнинг қалби бир олам қувончга тўлди.
Тадбир давомида мазкур тиббиёт марказининг замонавий кўринишдаги инновацион биноларини жиҳозлашга кўмаклашиш мақсадида ҳомийлар томонидан зарур маиший техникалар ва жиҳозлари тақдим қилинди.