МЕНИНГ АРМИЯМ – МЕНИНГ ФАХРИМ!
Фарғона вилояти Қўқон шаҳрида "Ҳарбий ватанпарварликка ихтисослаштирилган ёшлар жасорат маркази" нинг очилиш маросими бўлиб ўтди. Марказнинг ташкил этилишидан кўзланган асосий мақсад ўсиб келаётган ёш авлодни юксак ватанпарварлик руҳида тарбиялаш ва мард, жасур, билимли бўлиб улғайишларига, келажакда эл-юрт манфаати йўлида етук касб эгалари бўлиб етишишлари, Ватан олдида содиқ туришларига шароит яратиб беришдан иборатдир.
Ушбу марказда 100 нафар йигитлар бир ой давомида ватанпарварлик руҳида тарбияланадилар. Тадбирда Фарғона вилояти ҳокими, Қўқон шаҳар ҳокими, Фарғона вилояти Миллий гвардия бошқармаси бошлиғи ва бошқа жамоатчилик вакиллари иштирок этишди. Табдир кўтаринки руҳда ҳарбий хизматчиларининг кўргазмали чиқишлари билан давом этди. Йиғилган меҳмонлар ташкилотчиларга ўз миннатдорчиликларини билдирдилар.
