МИЛЛИЙ ГВАРДИЯ ҲАРБИЙ-ТЕХНИК ИНСТИТУТИДА “БЕШКУРАШ” МУСОБАҚАСИ ТАШКИЛ ЭТИЛДИ
Жорий йилнинг 25 март куни Ўзбекистон Республикаси Миллий гвардияси Ҳарбий-техник институти “Жисмоний тарбия ва спорт кафедраси” ташаббуси билан Тошкент Тиббиёт Академиясининг “Шифокорлар” спорт мажмуасида Ўзбекистон Республикаси Қуролли кучлар, Ички ишлар вазирлиги, Давлат хавфсизлик хизмати, Фавқулодда вазиятлар вазирлиги Академиялари ҳамда Миллий гвардия Ҳарбий-техник институти курсантларини ҳарбий-ватанпарварлик, маънавий-ахлоқий руҳда ва жисмонан соғлом этиб тарбиялаш бўйича ҳамкорлик режасига асосан “Бешкураш” мусобақаси ташкил этилди.
Тадбир бошида Миллий гвардия қўмондони ўринбосари полковник Мамаюсупов барча иштирокчиларга омад тилаб, мусобақани очиқ деб эълон қилди.
Шундан сўнг, Институт оркестр жамоаси томонидан Давлатимиз мадҳияси янгради.
Олий ҳарбий таълим муассасалари ўртасида илк маротаба ташкил этилган спортнинг “Бешкураш” бўйича мусобақасида курсантлар:
- 100 метрга югуриш;
- Ф-1 гранатасини аниқликка улоқтириш;
- турникда кўтарилиб тўнтарилиш;
- 3000 метрга югуриш;
- 24 кг тошни кўтариш каби шартларни бажардилар.
Мусобақа иштирокчиларини одилона баҳолаш Ўзбекистан Республикаси енгил атлетика федерацияси ҳакамлар ҳайъатига юклатилди.
Қизиқарли ва баҳс-мунозараларга бой ўтган беллашувлар натижасига кўра,
“Энг фаол қатнашчи” номинациясига ИИВ академияси курсанти Шаҳбоз Сувонқулов;
“Энг тезкор қатнашчи” номинациясига ҲТИ курсанти Достонбек Усмонжонов;
“Энг кучли қатнашчи” номинациясига Қуролли кучлар академияси курсанти Дилшодбек Қобилов;
“Ғалабага бўлган иродаси учун” Давлат хавфсизлик академияси;
“Фаол жамоа”номинацияси бўйича ФФВ академиялари ғолиб деб топилди.
Мусобақа якунида ғолиб бўлган жамоалар ташкилотчилар томонидан диплом, медал ва эсдалик совғалари билан тақдирланди.
Шунингдек, тадбирда санъаткорлар томонидан ижро этилган куй ва қўшиқлар мусобақа иштирокчиларига кайфият улашди.
