Наманган вилояти ҳарбий-ватанпарварлик тадбирлари ўтказилиши давом этмоқда.
Миллий гвардия Наманган вилояти бўйича бошқармаси ҳамда Фавқулоддада вазиятлар бошқармалари ҳамкорлигида маҳалла ёшлари ва мактаб ўқувчилари иштирокида очиқ эшиклар куни ўтказилди.
Ёшларни ватанпарварлик туйғусини кучайтиришга қаратилган тадбирни ҳарбий оркестр куй қўшиқлари билан очилди.
Шундан сўнг Миллий гвардия ҳарбий хизматчиларининг жанговар чиқишлари, ёшлар ўртасида ватанпарварлик сифатларини шакллантириш мақсадида мавжуд бўлган ҳарбий анжом-аслаҳалар, ҳарбий техникалар кўргазмаси, чавандозлар мактаби мутахассислари томонидан ташкил этилган от устида камондан отиш маҳорат дарслари билан яқиндан таништирилди.
Шунингдек тадбир давомида Камондан отиш спорт тури бўйича маҳорат дарслари ўтказилди.
