Миллий гвардия бўлинмаларининг жанговар салоҳияти, шахсий таркибнинг жисмоний ва маънавий тайёргарлигини мустаҳкамлашга қаратилган чора-тадбирлар давом эттирилмоқда
Бўлинмаларнинг жанговар салоҳияти, гвардиячиларнинг жисмоний ва маънавий тайёргарлигини мустаҳкамлашга Миллий гвардия қўмондони генерал-майор Р.Джураев томонидан алоҳида эътибор қаратилиб, тактик-ўқув машғулотлари давомида махсус бўлинмаларнинг ҳамкорликдаги ҳаракатлари замон талабларига мос равишда такомиллаштирилиб борилмоқда.
Унда Миллий гвардия бўлинмаларининг ўзига хос вазифаларидан келиб чиққан ҳолда гвардиячиларнинг жанговар ва махсус тайёргарлиги, хусусан шаҳар шароитидаги ностандарт вазиятларда, шунингдек мудофаа йўналиши ва тоғ-тайёргарлик бўйича амалий машғулотларни ҳақиқий ҳолатга яқинлаштирилган шароитларда олиб борилиб, бошқарув тизимининг замонавий усулларини янада кучайтиришга алоҳида эътибор қаратилмоқда.
Хусусан, қўмондон томонидан навбатдаги манзилли ўрганиш ишлари Тошкент шаҳридаги батальонларнинг бирида олиб борилиб, унда ҳар қандай хавф хатарларни олдини олиш ва бартараф этиш борасида шахсий таркибнинг доимий жанговар шайлигини юқори даражага олиб чиқишда, жаҳон тажрибалари таҳлилий ўрганилган ҳолда такомиллаштириб борилишига доир аниқ вазифалар белгилаб берилди.
