Миллий гвардия ёшлар нигоҳида: Ҳарбий қисмда бир кун.
Маҳаллаларда ёшлар билан ишлаш тизимини тубдан такомиллаштириш чора-тадбирлари бугун амалда ижро этилмоқда. Фарғона вилояти Қўқон шаҳрида фаолият олиб бораётган Республика ишчи гуруҳи ёшлар етакчиларига ўғил-қизларнинг касб- ҳунар, спорт, фан тўгаракларига қизиқишлари ҳамда орзу истакларини рўёбга чиқариш борасида ишларни тўғри йўлга қўйишларида кўмак бериб, бу борада улар билан ҳамкорликда тадбирлар ташкиллаштирилмоқда. Миллий гвардиянинг Қўқон шаҳрида жойлашган ҳарбий қисмида ўтказилган "Миллий гвардия ёшлар нигоҳида" мавзусидаги очиқ эшиклар куни ҳам кун мавзусига оид тадбирнинг навбатдагиси бўлди.
Тадбирга Булоқбоши, Ат-Термизий ва Ўрмонбоғ МФЙ битирувчи синф ўқувчилари ҳамда уюшмаган ёшлар таклиф этилди. Масъул вакиллар томонидан уларнинг фан ва тўгараклар, касб-ҳунарга бўлган қизиқишлари суҳбат жараёнида ўрганилди. Шунингдек, фаол иштирок этган ёшлар ҳарбий қисмдаги тулпорлар билан танишиб, от миниш имконига эга бўлди.
Шунингдек, ёшлар Кинология хизмати хизмат итларининг жиноятларни қандай фош этишлари ва уларни жиловлаш борасидаги ҳаракатларнинг гувоҳи бўлди. Бундан ташқари тош кўтариш,қўл жанги, бокс, спортнинг камондан отиш тури бўйича хам маҳорат дарсларида қатнашди.
Ҳарбий хизматчиларнинг тоғ баландлиги тайёргарлиги машғулотлари, тез тиббий ёрдам кўрсатиш каби ўқув нуқталари ўқувчиларда илиқ таассурот қолдирди.
Тадбир якунида Республика ишчи гуруҳи аъзолари томонидан ёш авлодга ташаккурнома ва совғалар тақдим этилиб,маъданий-маърифий кеча куй- қўшиқлар билан давом этди.
