ЁШЛАР ВА ОТ СПОРТИ: МАҚСАДЛАР ВА ЯНГИ МАРРАЛАР
Ёшларни спорт турларига фаол жалб этиш, жамиятда соғлом турмуш тарзини тарғиб қилиш, шунингдек, от спорти бўйича мусобақаларда юқори натижаларга эришишни таъминлаш борасида Ўзбекистон Республикаси Миллий гвардияси томонидан бугунги кунда тизимли ишлар амалга оширилмоқда.
Хусусан, Қорақалпоғистон Республикаси Қўриқлаш бошқармаси Қораўзак туманлараро қўриқлаш бўлими ходимлари томонидан Тахтакўпир тумани «Ўзбекистон» овул ҳудудида яшовчи ёшларнинг ёзги таътилларини мазмунли ташкил этиш, улар орасида соғлом турмуш тарзини яратиш билан бирга спорт машғулотларига бўлган қизиқишини янада ошириш мақсадида, тумандаги «Ўзбекистон» овул ҳудудида от спорти секцияси фаолияти йўлга қўйилди.
Бу ерда Миллий гвардия ходимлари ёшларимизга кўргазмали машғулотлар мобайнида бу спортнинг узоқ тарихга эга эканлиги ва қадим замонлар ота-боболаримизнинг катта байрамларда от чоптириб иштирок этгани ҳамда ҳозирги кунда юртимизда мазкур спорт турини ривожлантириш бўйича амалга оширилаётган ишлар тўғрисида алоҳида айтилиб ўтилди. Шу билан бирга ёшларимизнинг тулпорларга миниш қоидаларини ўргатиш ва эркин ҳаракатланиш орқали отни бошқариш усуллари, отлар парвариши, уларнинг хусусиятлари, ҳақида кўплаб маълумотлар берилди.
