Музей - ўтмиш ва келажакни боғловчи кўприк
Миллий гвардия Тошкент шаҳри бўйича бошқармаси тасарруфидаги ҳарбий қисм ҳарбий хизматчилари томонидан ёшларнинг бўш вақтларини мазмунли ўтказиш ҳамда маданий-маънавий ҳордиқ чиқаришлари ва уларни ҳарбий ватанпарварлик руҳида вояга етказиш мақсадида Шайхонтоҳур тумани Гулбозор маҳалласида истиқомат қилувчи 25 нафар ёшлар билан «Ғалаба боғи»га экскурсия уюштирилди.
Ташриф давомида ёшлар “Ғалаба боғи” ёдгорлик мажмуаси ва “Шон-шараф” давлат музейи экспозициялари билан яқиндан танишиб, Ўзбекистонликларнинг асосий фронт ва чегара постларида олиб борган курашлари, ички ишлар, разведка фаолиятидаги мардонавор хатти-ҳаракатлари қайд этилган тарихий ҳужжатлар, уларнинг суръатлари ва улар ҳақидаги қисқача маълумотларга эга бўлди. Иккинчи жаҳон уруши давридаги шонли тарихимиз акс этган мазкур маскан барча ёшларнинг хотирасида илиқ таассурот қолдирди.
Бу каби тадбирлар давомийлиги ёшларни Ватанга садоқат руҳида тарбиялаб, уларни келажакда комил инсон бўлиб етишишига хизмат қилмоқда.
