Жаҳон чемпионатининг илк совриндорлари тақдирланди
Қўл жанги спорт турининг халқаро ареналар тарихидаги VI жаҳон чемпионати мамлакатимизда илк маротаба ўтказилмоқда.
Бугун 6 июнь куни ушбу мусобақанинг тантанали очилиш маросими нишонланди. Байрамона тарзда бошланган мазкур мусобақанинг иккинчи куни 30 га яқин давлатлардан ташриф буюрган спортчиларга кўтаринки руҳ бағишлади.
Шиддатли ва муросасиз давом этаётган мусобақанинг бугун 5 та финал (эркаклар ўртасида 3 та, аёллар ўртасида 2 та) жанги бўлиб ўтганини гувоҳи бўлдингиз.
Спортчиларимиз мусобақанинг иккинчи кун натижаларига кўра 2 та олтин (О.Нормуродов 70 кг, М.Кувондикова 55 кг вазн тоифасида), 4 та кумуш (Ж.Собитов 55 кг, М.Хотамов 80 кг, Н.Нарзикулова 46 кг ва С.Ражабова 55 кг вазн тоифасида) ва 10 та бронза ( Б.Атажонов 55 кг, М.Хатомов 80 кг, С.Саттарқулов 90 кг, И.Камилов + 90 кг, Ш.Зохидова 46 кг, М.Омадова 50 кг, З.Суюмова 60 кг, Э.Шмыкова 75 кг, М.Эсонова 75 кг, Н.Умарова +75 кг вазн тоифасида) медалларини қўлга киритиб улгуришди.
Эртага 7 июнь куни 14 та финал жанги ўтказилиши режалаштирилган бўлиб бронза медалига эгалик қилаётган спортчиларимиз ўз имкониятларини синаб кўришади.
Терма жамоамиз аъзоларига бўлажак беллашувларда омад ва зафарлар тилаб қоламиз.
Мусобақа жараёнларини тўғридан-тўғри ижтимоий тармоқлардаги "YouTube" саҳифамиз орқали кузатиб боринг.
