Наманган вилоятида Миллий гвардия Қўриқлаш бошқармаси ходимлари томонидан ўғирликнинг олди олинди.
Жорий йилнинг 11 февраль куни тонги соат 5:05да Наманган шаҳирдаги Сардоба бозори ва ушбу ҳудуднинг қўриқловига масъул бўлган қўриқлаш хизмати ходимлари томонидан А.Навоий кўчасида жойлашган “Orzu Travel Avia” номли Авиакасса эшигини бузиб ўғирликка тушган шахс кўзлаган пул маблағларини олишга улгурмасдан қўлга олинди. Ходимлар томонидан Авиакассада мавжуд моддий бойликлар ўрнатилган тартибда кўздан кечирилганда зарурий жиҳозлар ва пул маблағлари сақланадиган сейфда тўрт млн сўм ва 400 АҚШ доллари борлиги маълум бўлган. Қўриқлаш хизмати ходимлари ушбу объектни ўз эгасига топшириб, ўғирликка қўл урган шахсни Наманган шаҳар ИИО ФМБга етказганлар.
Дастлабки ўрганишлар давомида ушбу шахс Наманган шаҳрида яшовчи, фуқаро С.К. эканлиги маълум бўлган. Ҳозирда суриштирув ишлари давом этмоқда.
