Сафдошимиз ҳам совриндорлар қаторидан жой олди
Ўзбекистон бокс федерациясининг маълум қилишича, Болгария пойтахти София шаҳрида бокс бўйича аёллар ўртасида анъанавий VII халқаро “Балқон” турнири якунига етди. Унда 12 давлат – Ўзбекистон, Франция, Канада, Финляндия, Aнглия, Швеция, Италия, Косово, Швейцария, Қозоғистон, Тайван ва Болгариядан 47 нафар боксчи аёл иштирок этди.
Турнирда Ўзбекистон терма жамоаси муносиб иштирок этиб, мусобақа якунларига кўра қизларимиз 8 та медал – 2 та олтин, 5 та кумуш ва 1 та бронза медалини қўлга киритди.
Тошкент шаҳар “Қўриқлаш” бошқармаси ходими, оддий аскар Навбаҳор Ҳамидова 66 килограмм вазн тоифасида кумуш медал соҳибаси бўлди.
Навбаҳорни ғалаба билан табриклаймиз!
