Навоий вилоятида жойлашган дала ўқув полигонида офицерлар таркиби иштирокида ўқув йиғини ўтказилди.
Ўқув йиғинининг биринчи куни Қўмондон ўринбосари раҳбарлигида иштирокчиларга тадбирнинг мазмун моҳияти, мақсади ҳақида тушунтирилиб, Ўзбекистон Республикаси Президентининг 2022 йил
8 сентябрдаги ПҚ–371–сон "Ҳарбий хизматчиларнинг ахлоқий-руҳий тайёргарлиги ва жанговар руҳини ошириш бўйича қўшимча чора-тадбирлар тўғрисида"ги қарори ҳамда шу асосда ишлаб чиқилган Миллий гвардия қўмондонининг буйруғида белгиланган вазифаларни ижросини таъминлашда тарбиявий ишлар, кадрлар ва ёшлар масалаларига масъул бўлган офицерларнинг ўрни ва роли назарий ва амалий мисоллар билан батафсил тушунтириб берилди.
Шу ўринда, офицерларнинг ўз қўл остидаги шахсий таркибнинг ахлоқий-руҳий тайёргарлиги ва жанговар руҳини ошириш борасидаги ишларга киришишдан олдин ўзларининг тайёргарлик жиҳатлари текширилди. Ўқув йиғини ностандарт ҳамда реал жанговар вазиятларга яқинлаштирилган ҳолда амалга оширилиб, офицерларга жисмоний ва руҳий юкламалар берилди ва уларнинг жанговар – руҳий жиҳатлари, бардошлилиги, тиришқоқлиги, ижрочилиги каби сифатлари синовдан ўтказилди.
Хусусан, ўқув йиғин режасига кўра офицерлардан 100 ва 3 минг метрга югуриш, турникда тортиниш каби нормативлардан имтиҳонлар қабул қилинди. Шунингдек, саф тайёргарлиги ва тантанали юриш машғулотлари ўтказилди. Эрта тонгдан яёв узоқ масофага марш юрилиб, Навоий вилоятининг Кармана тумани ҳудудидаги чўл ва адирлар бўйлаб реал ва сунъий тўсиқлар уларни йўл йўлакай қарши олди ва талафотларсиз белгиланган маррага етиб келдилар.
Ўқув йиғини ёш офицерлар учун катта маҳорат мактабини ўтаб берган бўлса, бошқалари учун эса тажриба алмашишга имконият яратди.
Ўқув йиғинининг иккинчи кунида асосий эътибор 4 та ўқув жойида тайёрланган жанговар ва махсус тайёргарлик жараёнларида ахлоқий-руҳий тайёрлаш ва жанговар руҳни оширишга қаратилди.
Ўқув нуқталарга шахсий таркибнинг тарқатишдан олдин улар билан саф тайёргарлиги бўйича машғулотлар ўтказилди.
Биринчи ўқув жойи ишғол йўлакчаларидан ўтиш: бунда офицерларда қўрқув, ваҳима, руҳий зарбаларни енгиш кўникмалари шакллантирилди.
Иккинчи ўқув жойи қоровул ва жанговар хизмат жараёнига ахлоқий-руҳий тайёрлаш: бунда офицерларга қоровул ва жанговар хизмат жараёнларида шахсий таркибнинг тайёрлаш, уларни хизматга жанговар-руҳий жиҳатдан хизматга шайлигини таъминлаш борасида 3-босқичли тайёргарликдан ўтказиш бўйича амалий машғулотлар ўтказилди.
Учинчи ўқув жойи, жанговар ҳаракатлар шароитида ахлоқий-руҳий таъминот гуруҳининг иш фаолиятини амалий кўргазмали воситалар орқали йиғин иштирокчиларига кўрсатиш
ва таништиришга қаратилди.
Бунда, жанговар-хизмат жараёнларида шахсий таркибнинг ахлоқий-руҳий тайёрлаш ва жанговар руҳини ошириш учун жиҳозланган дала чодири ичида амалга ошириладиган ишлар бўйича йиғилганларга атрофлича маълумотлар берилди ҳамда амалий кўргазмали машғулотлар орқали уларнинг тажрибаларини оширишга эътибор қаратилди.
Тўртинчи ўқув жойи ўқ отиш тайёргарлиги жараёнида шахсий таркибнинг ахлоқий-руҳий ҳолатига таъсир кўрсатувчи ташқи омилларга қарши туриш кўникмаларини шакллантириш усул ва услубларини ўргатишга, шахсий таркибни гуруҳ ёки жуфтлик таркибида душман асирга тушиши ва у ердан чиқиб кетишда руҳий барқарорликни таъминлаш кўникмаларини шакллантиришга қаратилди.
Шу ўринда ўқув йиғинида ёшлар билан ишлаш масалаларига ҳам алоҳида эътибор қаратилди. Ёшларнинг бўш вақтларини мазмунли ўтказиш учун қандай тадбирлар ташкил этиш кераклиги бўйича тавсиялар берилди ва мазкур жараёнларни амалиётда кўрсатиб бериш мақсадида Навоий шаҳрида жойлашган мактабларнинг ўқувчилари учун дала ўқув марказида "Очиқ эшиклар куни" тадбири ўтказилди. Ёшларга дала ўқув марказининг имкониятлари, бу ерда яшаш ва ўқиш учун яратилган шароитлар таништирилди, шунингдек, камондан отиш, от спорти ва турли кўргазмалар орқали уларнинг ҳарбийлик касбига ҳамда спортга бўлган қизиқишлари оширилди.
Шу билан бир қаторда, ўқув йиғин иштирокчиларининг билим савиясини текшириш бўйича тест синовлари қабул қилинди.
Бундан ташқари улар янги қад ростлаган дала ўқув марказида яхши орзулар ҳамда эзгу ниятлар билан мамлакатимизда амалга оширилаётган "Яшил макон" умуммиллий лойиҳаси асосида 100дан ортиқ дарахт кўчатларини экиб, ўзларининг кўкаламзорлаштириш ишларида муносиб ҳисса қўшдилар.
Ўқув йиғин якунида иштирокчиларни маданий ҳордиқ чиқаришларини таъминлаш мақсадида дала шароитларида Миллий гвардия ашула ва рақс ансамбли хонандалари иштирокидаги концерт дастури ҳамда ўқув йиғинида иштирок этаётган иқтидорли офицерлар томонидан қўшиқ ва шеърлар ижро этилиб, йиғилганларга яхши кайфият улашилди.
Ўқув йиғин якунида мини футбол мусобақаси ҳам ўтказилиб, ғолиблар қимматбаҳо совғалар билан мукофотланди.
3 кунлик ўқув йиғинида иштирок этган 108 нафар офицерлар келгусида бу ерда олган билим ва кўникмаларини хизмат жараёнида фаол қўллаб, юқори натижаларга эришади.
Якунда ҳар йили навбатдаги ҳудудда шундай ўқув йиғинларни самарали ўтказиш ҳамда бундан кейин ҳам уни такомиллаштириш бориш бўйича келишиб олинди.
Ўқув йиғини давомида саф тайёргарлиги, амалий отиш, жисмоний тайёргарлик ва мутахассислик бўйича ўтказилган синовлар умумий натижаси "Яхши" баҳони ташкил этди.
