НАЗАРИЙ БИЛИМЛАР АМАЛДА
Миллий гвардия Сурхондарё вилояти бўйича бошқармаси ташаббуси билан ўтказилган “Деструктив ҳулқ психопрофилактикаси: муаммо ва ечимлар” мавзусидаги вилоят психологларининг илмий амалий форумидан олинган кўникма ва билимлар ҳаётга тадбиқ қилинмоқда. Хусусан, жорий йилнинг 26 январь куни Термиз шаҳрининг “Катта боғ” маҳалла фуқаролар йиғинида, профилактик рўйхатда турган ва руҳий тушкунликка тушган 15 нафар хотин-қизлар билан психологик тренинг ўтказилди.
Мазкур тадбирда Миллий гвардиянинг психолог ҳарбий хизматчилари, маҳалла раиси ва унинг оила, хотин-қизлар ижтимоий-маънавий масалалар бўйича ўринбосари иштирок этдилар. Маълум босқичлардан иборат ушбу тренинг давомида мутахассислар томонидан хотин-қизлар ўзаро эркин мулоқатга киришиш, стресc ҳолатдан ҳалос бўлиш, ўзида ижобий кайфият ҳосил қила олиш, жамоага киришувчанлик кўникмасини ошириш, ўзаро яқинлик ва илиқлик туйғуларини шакллантириш ҳамда жамоа бўлиб бир мақсад йўлида бирлашиш, қўрқувни енгиб ўтиш ва ҳар қандай қийинчиликларни тўсиқсиз енгиш кўникмаларини шакллантира олиш каби йўналишлардаги масалалар муҳокама қилинди.
