НОҚОНУНИЙ ИШГА ҚЎЛ УРГАНЛАР АНИҚЛАНДИ
Бугунги кунда жиноят ва ҳуқуқбузарликларни олдини олишда ҳамкорликда амалга ошрилаётган ишлар ўз самарасини бермоқда. Бу борада Миллий гвардия ва бошқа ҳуқуқни муҳофаза қилувчи органлар ҳамда ҳамкор ташкилотларнинг келиб тушган хабарларга асосан олиб бораётган биргаликдаги профилактик ва тезкор тадбирлари натижасида Бухоро вилоятида сўнгги кунларда бир неча қонун бузилишининг олди олинди.
Хусусан, Бухоро вилоятида жорий йилнинг 3 февраль куни Миллий гвардия Қўриқлаш бошқармаси ва вилоят божхона бошқармаси масъул ходимлари ҳамкорлигида Ғиждувон туманида ўтказилган тезкор профилактик тадбирлар давомида ушбу туманда яшовчи фуқаро Н.Р. нинг яшаш хонадони холислар иштирокида ўрнатилган тартибда кўздан кечирилди. Ушбу фуқаро томонидан дизель ёқилғисининг ҳар бир литрни 5500 сўмдан сотиш учун жами 600 литр дизель ёқилғисини ноқонуний равишда сақлаб келаётганлиги аниқланиб, тегишли тартибда ҳужжатлаштириб олинди.
Жорий йилнинг 4 февраль куни эса Миллий гвардия ҳамда Олот тумани экология ва атроф муҳитни муҳофаза қилиш бўлинмаси масъул ходимлари томонидан ўтказилган тезкор тадбирда туманнинг “Қирлишон” маҳалласидан оқиб ўтувчи каналдан фуқаролар Х.П., М.У., С.И.лар тақиқланган ов қуроллари билан балиқ овлаш қоидаларини қўпол равишда бузган ҳолда 98 дона балиқ овланганлиги аниқланиб, тегишли тартибда расмийлаштириб олинди.
Шу каби тадбир 5 февраль куни Жондор туманида ўтказилиб унда, ўсимлик дунёси объектларини муҳофаза қилиш, улардан оқилона фойдаланиш ҳамда ҳуқуқбузарликларнинг олдини олишга қаратилди.
Миллий гвардия ҳамда Жондор тумани экология ва атроф муҳитни муҳофаза қилиш бўлинмаси масъул ходимлари томонидан олинган хабарга кўра, туманнинг Работ маҳалласида яшовчи фуқаро Г.Т. ўзига тегишли бўлган давлат рақами 80 G 062 FA, “Жигули” автомашинасида ноқонуний равишда ҳажми 2 метр кубга яқин “саксовул” ўсимлиги ғайриқонуний равишда чопиб олиниб, ўз манфаати йўлида олиб кетаётганида тўхтатиб қолинди ва ашёвий далил сифатида олиб қўйилди.
Юқорида санаб ўтилган барча ҳолатлар юзасидан ноқонуний ишга қўл урган шахсларга тегишли тартибда чоралар қўлланилди.
