Нурафшон шаҳрида жойлашган Миллий гвардия Тошкент вилояти бўйича бошқармаси ҳудудида "От спорти майдони" мажмуасининг очилиш маросими бўлиб ўтди ва унда ҳарбий ватанпарварликга ихтисослаштирилган синф ўқувчилари ҳамда тизим фахрийлари иштирок этишди
Маросимда, Ўзбекистон Республикаси Миллий гвардияси қўмондонлиги, вилоят ҳокимлиги, вилоят Ёшлар сиёсати ва спорт бош бошқармаси, Ўзбекистон ёшлар ишлари агентлиги вилоят бошқармаси, Ўзбекистон ёшлар иттифоқи вилоят кенгаши, вилоят Нуронийлар жамғармаси, вилоят йилқичилик ва от спорти федерацияси ҳамда вилоят Миллий гвардия бошқармаси фахрийлар кенгаши вакиллари, шунингдек, Жамоат хавфсизлиги университети курсантлари, оилавий болалар уйи тарбияланувчилари ва умумтаълим мактабларининг ҳарбий ватанпарварликга ихтисослаштирилган синф ўқувчилари иштирок этишди.
Тадбир аввалида тантанали равишда тасмани кесишди, янги от спорти мажмуаси очилди ва ўзига юклатилган фазифани бажаришга шай!
Мажмуада машғулотлар ўтказиш учун очиқ ва ёпиқ турдаги манеж, отхона, озуқа базаси ва отларни қадамлаш учун жойлар (шагалка) барпо этилган.
Тантанали тадбирга ташриф буюрган меҳмонлар учун янада кўтаринки кайфият улашиш мақсадида Миллий гвардия Кавалерия эскадрони чавандозлари от спортининг тентпеггинг тури бўйича ва от устида жигитовка элементларини намойиш этишди.
Тадбир давомида чавандозлар от спортининг поло тури бўйича беллашдилар. Томошабинлар чиқишлардан катта завқ олдилар, ҳар бир чавандозни қарсаклар билан кутиб олдилар ва уларни қўллаб-қувватлаб турдилар.
