Миллий гвардия ҳарбий хизматчилари мактаб ўқувчилари билан ўқитувчи ва мураббийларнинг инсон ҳаётида тутган ўрни ҳақида суҳбатлашишди
Кармана туманидаги 15-умумтълим мактабида 1 октябрь – Ўқитувчи ва мураббийлар куни арафасида “Ўқитувчи ва мураббийларнинг инсон ҳаётидаги тутган ўрни” мавзусида давра суҳбати бўлиб ўтди. Унга мазкур мактабда узоқ йиллардан буён меҳнат қилиб, ҳозирда нафақа гаштини сураётган фахрий ўқитувчилар, шунингдек, мазкур мактабнинг собиқ битирувчиси Миллий гвардия Навоий вилояти бўйича бошқармаси бошлиғи подполковник Б.Тоиров таклиф этилди. Учрашувда барча бирдек илиқ таъсуротларга эга бўлишди.
Ҳозирги ўқувчилар ва ёш педагоглар ўзларидан олдингиларнинг хотираларини қизиқиш билан тингладилар. Подполковникнинг ўқиш ва хизмат ҳақидаги тавсияларини жон қулоқлари билан тинглаган ўсмирлар ютуқларнинг замирида илмга интилиш ва кўпроқ ўқиш ётиши ҳақида тушунчаларга эга бўлди.
“Давра суҳбати”дан сўнг стол тенниси, тош кўтариш ва турникда тортиниш бўйича спорт мусобақалари бўлиб ўтди. Якунда ғолиблар диплом ва эсдалик совғалари билан тақдирланди. Миллий гвардия Навоий вилояти бўйича бошқармаси бошлиғи эса шахсий кутубхонасидаги китоблар жамланмасини мактаб кутубхонасига туҳфа қилди.
