ОТ СПОРТИНИНГ ТЎСИҚЛАРДАН САКРАШ ТУРИ БЎЙИЧА ЎТКАЗИЛГАН МУСОБАҚАДА КУЧЛИЛАР АНИҚЛАНДИ
Куни кеча Ўзбекистон Республикаси Миллий гвардияси ҳамда От спорти федерацияси билан ҳамкорликда мустақиллигимизнинг 31 йиллиги муносабати билан "Universal Jumping Agro" От спорти клубида профессионал ёшлар ўртасида тўсиқлардан сакраш тури бўйича мусобақа ўтказилди.
Мазкур мусобақада иштирокчилар уч йўналишда:
баландлиги 100 см, 110см ҳамда 120см бўлган тўсиқлардан сакраш бўйича ўз имкониятларини синаб кўришди.
Беллашув қизғин ва шиддатли лаҳзаларга бой бўлди. Тўсиқлардан сакраш жараёнида иштирокчилар бор маҳоратларини намойиш этиб, энг юқори кўрсатгичлар сари интилдилар.
Йигитлар билан бир хил натижаларни кўрсатган спортчи қизлар томошабинларнинг ҳайрати ва олқишларига сазовор бўлди.
Ушбу йўналишлар бўйича мутлақ ғолибликни Рўзмухамедов Бекзод ҳамда Сергей Антонович қўлга киритиб, кубок,диплом, медаль ҳамда эсдалик совғалар билан тақдирланди.
Шунингдек куннинг иккинчи ярмида Тошкент вилоятида жойлашган "Ўзбегим отлари от заводи"майдонида От пойгаси ва ёшлар учун спорт мусобақалари ташкил этилди.Мусобақаларда иштирок этиш учун Тошкент вилояти Чирчиқ шаҳрида жойлашган меҳрибонлик уйи тарбияланувчилари, муддатли ҳарбий хизматчилар ва ҳудудий чавандозлар мактаби ўқувчилари таклиф этилди. Спорт тадбирини байрамона ўтишида Жамоат хавфсизлиги университети оркестр жамоаси ўз ҳиссасини қўшди. Арқон тортиш, шахмат шашка, теннис, тош кўтариш каби беллашувлар ҳам ёшларда катта таассурот қолдирди. ЖХУ курсантларининг қўл жанги чиқишлари ўқувчиларда ҳарбий ватанпарварлик руҳини оширишга хизмат қилди. От пойгалари ҳам муросасиз ўтгалиги билан эсда қоладиган бўлди.
