Ўз вақтида кўрсатилган тиббий ёрдам туфайли фуқаронинг ҳаёти сақлаб қолинди
Жорий йилнинг 01 февраль куни соат тахминан 14:20 ларда Тошкент шаҳри Учтепа тумани "Фарҳод" деҳқон бозорида ҳудудга бириктирилган ҳарбий хизматчилар томонидан хизмат олиб борилаётган вақтда бир фуқаронинг тўсатдан тоби қочиб, ҳушини йўқотган. Ҳарбий хизматчилар зудлик билан тез ёрдамга мурожаат қилиб, улар келгунига қадар биринчи ёрдам кўрсатган. Фуқаронинг аҳволи нормал ҳолатга келиб ўзини яхши ҳис қилганидан сўнг, яшаш хонадонига олиб борилган.
Суриштирув ишлари натижасига кўра ушбу фуқаро 48 ёшли Тошкент вилоятилик Д.Соатов эканлиги ва доимий истеъмол қиладиган дорисини ўз вақтида ичмаганлиги сабабли юқоридаги ҳолат юз берганлиги аниқланган.