Пойтахтимизда Миллий гвардия бошчилигидаги Республика ишчи гуруҳи аҳоли муаммоларини манзилли ўрганиш ва уларни бартараф этиш чораларини кўрмоқда
Аввал хабар берганимиздек, Пойтахтимиз туманларида ижтимоий-иқтисодий муаммоларни бартараф этиш ва маҳаллаларни ободонлаштириш бўйича Ўзбекистон Республикаси Президенти Администрацияси топшириғига асосан Миллий гвардия бошчилигидаги Республика ишчи гуруҳи томонидан манзилли ишлар амалга оширилмоқда.
Ўрганишлар давомида пойтахтимизнинг Шайхонтохур туманида Аҳоли кайфиятига бевосита таъсир қилувчи масалалар ва фуқаролар муаммоларини жойига чиққан ҳолда ўрганиб, уларни тезкор ҳал этиш ишларига жалб этилган давлат органлари ва ташкилотларининг республика даражасидаги масъуллари қатор ижтимоий муаммоларнинг ижобий хал этилишига ўз эътиборларини қаратишди.
Хусусан, тумандаги 37 та болалар майдончаларида ободонлаштириш, таъмирлаш, бўяш, қум ётқизиш ишлари амалга оширилиб, таъмир талаб йўлларга 750 метр асфальт қопламалари ётқизилди. Қизил тоифа киритилган ёшлар билан манзилли ишлаш, уларни бандлигини таъминлаш, спортга, касб-ҳунарга жалб этиш борасидаги ишлар ҳам жадал олиб борилмоқда. Шу мақсадда ёшларни ҳарбий-ватанпарварлик руҳида тарбиялашга қаратилган 12 та ҳарбий ватанпарварлик, маданий, маърифий ва концерт дастурлари ўтказилди. Пробация назоратида турувчи 3 нафар ёшлар билан суҳбат ўтказилиб, ижтимоий ва амалий ёрдам чоралари кўрилди. Маҳалла ёшларини от спортига қизиқишини уйғотиш мақсадида улар учун Миллий гвардия кавалерия эскадронига саёҳат ташкил қилинди. Боқувчисини йўқотган, ижтимоий ҳимояга мухтож бўлган 12 нафар фуқароларга моддий ёрдам кўрсатилиб, кам таминланган, боқувчисини йўқотган ва ижтимоий ҳимояга муҳтож оилалар фарзандлари учун “Халқаро болалар куни” муносабати билан театрлаштирилган концерт-дастури учун 980 та билет бепул тарқатилди.
Албатта ёши кекса отахону-онахонлари бўлган хонадонлар файзли бўлади. Маҳаллаларда эса уларнинг ўгитлари ёшлар учун тарбия ўчоғи ҳисобланади. 8 та маҳаллада анашундай нуронийлар учун эхсон дастурхони ёзилди ва ижтимоий ҳимояга муҳтож аҳолига ош тарқатилди.
84 нафар фуқаролар чуқурлаштирилган тиббий кўрикдан ўтказилиб, уларга даволаниш учун тавсиялар берилди. Юриш имконияти чекланган 4 нафар фуқароларга эса ногиронлик аравачалари топширилди. Бундан ташқари аёллар дафтарига киритилган, ижтимоий ҳимояга муҳтож ва кам таъминланган 80 нафар онахон ва опа-сингилларимиз учун Зангиота зиёратгоҳи ҳамда Самарқанд шаҳрига саёҳатлар ташкил этилди.
Шунингдек, маҳаллалар инфратузилмасини яхшилаш мақсадида маҳаллаларга 80 дона ўриндиқ (скамейка)лар ўрнатилди. Маҳаллаларга 17 дона ҳаво совутгич, 25 дона компюьтер, 1 дона музлатгич, 1 дона телевизор ҳамда 78 та мебеллар тарқатилди. Маҳаллалар кўркига-кўрк қўшиш ва ободонлаштириш мақсадида 9 345 метр ариқлар ва 9 080 метр йўлаклар тозаланиб, 3 163 дона дарахтлар оқланди. 2 787 дона дарахтларнинг қуриган шохлари кесилиб, шакл берилди. 30 га2 майдоннинг ўтлари ўрилиб, текисланди. Майдонлар 78 куб чиқиндилардан ҳоли этилди.
Маҳалла гузарларида қурилиш таъмирлаш ишларига ва аҳоли хонадонлари учун газ, электр тармоғи тизимларининг созлигига ҳам ишчи гуруҳ алоҳида эътиборини қаратмоқда. Жумладан «Кох ота» маҳалла гузарида капитал таъмирлаш ишлари олиб борилаётган бўлса, Ибн Сино маҳалласида енгил конструкциядан (сендвич панел) 18х9 метр ўлчамли мажлислар зали қурилди.
300 дан ортиқ хонадонларда газ таъминоти учун 1260 метр трубалар, 100 та бурчак (отвод), трубаларни кўтариб туриш учун тиргак (опора)лар ўрнатилди. 60 та симёғочлар ва темир-бетон таянчлари олиб келиб ўрнатилди ҳамда 15 км. замонавий СИП кабеллари тортилди. Ишчи гуруҳ туманда ўз фаолиятини давом эттирмоқда.
