НОМЗОДЛАРНИ ИШГА ҚАБУЛ ҚИЛИШ ЖАРАЁНЛАРИ ОЧИҚ ВА ШАФФОФ ТАРЗДА ЎТКАЗИЛМОҚДА
Жорий йилнинг 26-27 июль кунлари Ўзбекистон Республикаси Миллий гвардияси Қорақалпоғистон Республикаси Қўриқлаш бошқармаси бўлинмаларида меҳнат шартномаси асосида хизмат олиб бораётган бир гуруҳ ҳарбийлаштирилган соқчилик бўлинмалари назоратчиларини кейинги босқичга, яъни Қўриқлаш бошқармасининг шаҳодатланган саф бўлинмаларига ходим сифатида ишга қабул қилиш бўйича навбатдаги қабул жараёнлари бўлиб ўтди.
Дастлаб, Қўриқлаш бошқармасида Миллий гвардия марказий аппарати, Қўриқлаш бош бошқармаси, Миллий гвардия Қорақалпоғистон Республикаси бўйича бошқармаси ҳамда Қўриқлаш бошқармаси масъул ходимлари иштирокида номзодлар ва уларнинг ота-оналари билан учрашув ўтказилди.
Унда ота-оналарга бугунги кунда Миллий гвардия бўлинмаларида номзодларни ишга қабул қилиш жараёнлари ҳамда тартиби тўғрисида батафсил маълумотлар берилиб, очиқ ва шаффоф ўтказиладиган танлов жараёнларини бевосита ота-оналар ҳам кузатиб боришлари мумкинлиги тушунтирилди.
Шунингдек, номзоднинг билими ва жисмоний қобилияти синовдан ўтказилиши, бу борадаги меъёрий талаблар ҳақида айтиб ўтилди. Шундан сўнг синовларга старт берилди. Бунда жами 59 нафар ёш кадрлар иштирок этиб, дастлаб улардан жисмоний тайёргарлик машғулотлари, яъни устунга тортиниш, 100 ва 3000 метр масофага югуриш машқлари қабул қилинди.
Шундан сўнг, психологик тест синовлари ўтказилди. Бу жараёнларда кучли тайёргарликка эга бўлган, билимли мутахассисларгина мазкур синовлардан муваффақиятли ўтдилар.
