Қашқадарё вилоятида Миллий гвардия ҳарбий хизматчи ва ходимлари ҳамда уларнинг оила аъзолари билан сайёр қабул ўтказилди.
Миллий гвардия Марказий девони масъул офицерлари томонидан ташкил этилган мазкур учрашувда дастлаб, оилавий муносабатлар, фарзанд тарбиясига эътибор қаратиш, шукроналик ҳиси билан яшаш, ёшларда ватанпарварлик туйғусини ошириш каби долзарб масалалар юзасидан сўз юритилиб, фикр-мулоҳазалар билдирилди.
Шундан сўнг, иштирокчилар билан очиқ мулоқот қилиниб, уларнинг мавжуд муаммолари, таклифлари тингланди.
Кўтарилган айрим масалалар жойида ижобий ҳал этилган бўлса, айрим муддат талаб этиладиган мурожаатлар тегишлилиги бўйича масъуллар томонидан назоратга олинди.
