Ўзбек тили байрами билан юртдошларимизни табриклаймиз! / / Санитария ва экология соҳасидаги қонунбузарликлар тўғрисида маълумот олиш учун Telegram-бот ишга туширилди / / 1354 йилда санитария ва экология соҳасидаги қонунбузарликлар тўғрисида ҳисобот / / Миллий гвардия Ички ишлар бошқармаси билан биргаликда санитария ва экология соҳасидаги қонунбузарликларни аниқлаш бўйича рейдлар ўтказмоқда / / Миллий гвардия органлари томонидан кўриб чиқиладиган экология ва атроф-муҳитни муҳофаза қилиш соҳасидаги ҳуқуқбузарликлар билан боғлиқ маъмурий иш юритиш масалалари бўйича ўқув семинари бўлиб ўтди // Мини-футбол ва камондан отиш бўйича мусобақаларнинг саралаш босқичида ғолиб бўлган ёшлар Миллий гвардия кубоги мусобақасида қатнашишади // Ижтимойи ҳимоя: ҳарбий хизматчиларнинг оила аъзолари чуқурлаштирилган тиббий кўрикдан ўтказилди //Миллий гвардия органлари томонидан кўриб чиқиладиган экология ва атроф-муҳитни муҳофаза қилиш соҳасидаги ҳуқуқбузарликлар билан боғлиқ маъмурий иш юритиш масалалари бўйича ўқув семинари бўлиб ўтди // Мини-футбол ва камондан отиш бўйича мусобақаларнинг саралаш босқичида ғолиб бўлган ёшлар Миллий гвардия кубоги мусобақасида қатнашишади // Ижтимойи ҳимоя: ҳарбий хизматчиларнинг оила аъзолари чуқурлаштирилган тиббий кўрикдан ўтказилди //Тошкентда Опен ФС 35 аралаш яккакурашлар бўйича катта турнир бўлиб ўтди, унда Миллий гвардия ходими Азамат Нуфтиллаев чемпионлик камарини қўлга киритди / / «қалқон» жамоат гуруҳи («қалқон») ўз фаолиятини бошлади / / миллий гвардия тизимидаги аёл ҳарбий хизматчилар ва ходимлар ўртасида "Тўмарис издош" кўрик-танлови ўтказилди.) / / "Тарих мутахассиси", "ҳарбий қўшиқнинг энг яхши ижрочиси"танловларининг республика босқичи якунланди, Ҳарбий хизматчилар ва Қуролли кучлар ходимлари ўртасида" энг яхши ёш ёзувчи «ва» энг яхши ёш шоир " / / "халқлар дўстлиги" саройида жамоат тартибини сақлаш ва фуқароларнинг хавфсизлигини таъминлашга қаратилган қўшма ўқув-тактик машғулотлар ўтказилди / /Нукусда ёшлар учун “Очиқ эшиклар куни” ташкил этилди / / “Хавфсиз маҳалла-хавфсиз мамлакат!” профилактик тадбирлари доирасидаги жиноят ва ҳуқуқбузарликларни олдини олишга қаратилган ҳамкорликдаги чора-тадбирлар давом этмоқда / / Жамоат хавфсизлиги Университетида курсантлар қасамёд қабул қилди / / Миллий гвардия тизимида устоз ва мураббийларга эҳтиром кўрсатилди //Тошкент шаҳри ва барча вилоятларда Миллий гвардия ва Ҳуқуқни муҳофаза қилиш органлари ҳамкорлигида “Хавфсиз ҳудуд” профилактик тадбирлари ўтказилмоқда 

Ўз O'z Ру En

Республикамиз бўйлаб Наврўз-умумхалқ байрами кенг нишонланаётган айни кунларда, Қарши шаҳрида Миллий гвардия тасарруфидаги янги қад кўтарган спорт мажмуасининг очилиш маросими ўтказилди ва фойдаланишга топширилди.

Республикамиз бўйлаб Наврўз-умумхалқ байрами кенг нишонланаётган айни кунларда, Қарши шаҳрида Миллий гвардия тасарруфидаги янги қад кўтарган спорт мажмуаси ҳамда “Шўртан” маҳалласи учун ташкил қилинган болалар-спорт майдончаси фойдаланишга топширилди.
Ушбу тантанали тадбир вилоят ҳокими М.Азимов ва Миллий гвардия қўмондони - Ўзбекистон ҳуқуқни муҳофаза қилиш органлари қўл жанги федерацияси (Ўзбекистон камондан отиш Федерацияси) раиси Р.Джураев иштирокида бўлиб ўтди.
Унда вилоят сектор раҳбарлари, ҳудудий маҳалла еттилиги, "Шўртан" маҳалласи раиси ва ушбу ҳудудда жойлашган 43-сонли мактаб директори, фахрийлар, шунингдек спортнинг “Қўл жанги”, “Камондан отиш” ва “Миллий кураш” турлари билан шуғулланиб келаётган мактаб ўқувчилари ҳамда маҳаллий ёшлар, федерация раҳбарлари, спорт усталари ва мураббийлар иштирок этишди.
Тантанали маросимда сўзга чиққан Миллий гвардия қўмондони ва вилоят ҳокими томонидан барча иштирокчиларга байрам муносабати билан самимий тилаклар билдирилди. Шунингдек, Наврўз-умумхалқ байрами билан, Юртбошимизнинг мамлакатимиз аҳолисига йўллаган байрам табриги мазмун моҳиятига алоҳида тўхталиб ўтилди.
Давлатимиз раҳбарининг ёшларни ҳар томонлама камол топишига бераётган алоҳида эътиборлари натижасида, сўнгги йилларда юртимизда ёшлар орасида спортни оммалаштириш бўйича кенг қамровли ишлар амалга оширилди.
Жумладан, Қашқадарё вилоятида 2021 йилдан бугунга қадар,
“Қўл жанги” бўйича секциялар сони 10 тадан 36 тага кўпайди, 900 нафар спортчилар иштирокида 20 та вилоят ва республика миқёсидаги мусобақалар ташкил этилди ва уларда 3,6 минг нафар ёшлар қамраб олинди.
Бугунги кунда “Қўл жанги” бўйича Қашқадарё вилоятидан бир қатор спортчиларимиз жаҳон ареналарида фахрли ўринларни эгаллаб келишмоқда.
Хусусан, Қашқадарёдан чиққан жаҳон чемпионлари Олимжон Номуродов, Оғабек Қодиров, Мелиқул Эшназаров ва Аслбек Бобоевлар ҳамда Белорусь ва Италия давлатларида ўтказилган жаҳон кубоги совриндорлари Орифжон Нормуродов ва Ўғилой Жумановалар шулар жумласидандир.
Бундан ташқари, Қашқадарё вилоятида ҳозирги кунда оммалашиб бораётган спортнинг “Камондан отиш” тури бўйича секциялар сони 1 тадан 71 тага ортиб, спортчилар сони 14 нафардан 1 017 нафарга етган.
Ушбу спорт тури бўйича 68 та мусобақа, 441 та ўқув машғулоти ташкил этилиб, 18 минг нафардан зиёд ёшлар ва спортчилар қамраб олинди.
Бу спорт тури бўйича қашқадарёлик Миркомил Мансуров, Азизбек Сайпуллаев, Сарвар Ахмадов ва Акобир Химматалиевлар Ўзбекистон чемпионатларида фахрли ўринларни эгаллаб келишмоқда.
Ёшларимизни спортга кенг жалб қилган ҳолда уларнинг бўш вақтини мазмунли ташкил этиш орқали, жисмонан бақувват, спорт соҳасида етук, шунингдек жаҳон ареналарида давлатимиз байроғини ғурур билан кўтарадиган юртимизга муносиб бўлган фарзандлар етишиб чиқишига замин яратилмоқда.
Юқорида айтилган фикрларнинг мантиқий давоми сифатида, мазкур спорт мажмуасига тадбир иштирокчилари томонидан юқори баҳо берилиб, Наврўз янгиланиш ва яшариш байрамида фойдаланишга топширилаётганлигининг ҳам ўз мажозий маъноси борлиги таъкидланди. Бу эса,Қашқадарёлик спортчи ёшлар ва уларнинг мураббийларига янада катта масъулият юклаган ҳолда ғалабага бўлган ишонч каби олий мақсад сари бирлаштириб, янги марралар томон етаклашига катта ишонч билдирилди.
Шундан сўнг, Миллий гвардия қўмондони буйруғи ўқиб эшиттирилиб, унга кўра бир гуруҳ спорт усталари ва мураббийлар муносиб рағбатлантирилди.

Тадбирнинг иккинчи қисмида меҳмонлар, Янги қад кўтарган ва замон талабларига мос спорт анжомлари билан жихозланган “Қўл жанги” ва “Миллий кураш” спорт заллари, ҳамда республикада ягона бўлган “Камондан отиш” ёпиқ мажмуасида спортчиларнинг кўзргазмали чиқишлари ҳамда улар учун яратилган шарт-шароитларнинг гувоҳи бўлдилар. Хусусан мазкур спорт мажмуасида бир вақтнинг ўзида 200 нафардан спортчилар шуғилланиш имконига эга бўлган “Қўл жанги” ва “Кураш”нинг бир нечта турлари учун спорт заллари ҳамда 50 нафар спортчилар шуғилланадиган спортнинг “Камондан отиш” турига мўлжалланган ёпиқ зал, шунингдек спорт федерацияларининг маъмурий биноси билан танишиш имкониятига эга бўлишди.

Тадбир сўнгида вилоят ҳокими ва Миллий гвардия қўмондони томонидан фарзанларини спорт тўгаракларига олиб келган ота-оналар учун ушбу ҳудудда “Book cafe” ташкил қилиш тўғрисида мутасадди рахбарларга топшириқлар берилди.

Text to speech